كمبوست
ما هو الكمبوست ؟ و ما هي فوائده ؟
15
نوفمبر
نوفمبر
ـ يعني ايه كمبوست؟
الكمبوست هو سماد عضوي شبه التربة الطبيعية فى الشكل.
بيتصنع من المواد العضوية تحت تأثير عوامل تحلل احنا بنتحكم فيها عشان نوصل للدرجة المفيدة للنباتات.
ـ ايه هي استخدامات الكمبوست؟
الكمبوست بيستخدم فى جميع انواع الزراعات.
زى الخضار والفاكهة.
وجميع انواع الأشجار ونباتات الزينة والمسطحات الخضراء.
زى اللاندسكيب والملاعب وزراعات الأسطح والبلكونات والقصاري والمساطب والحدائق والمشاتل.
– ليه استخدم كمبوست؟
الكمبوست بيحسن من خواص التربة وبيغذيها بالمادة العضوية والهيوميك أسيد والعناصر المغذية للنباتات.
وبيحتفظ بالمياه وبيساعد على تهوية التربة وغنى بالبكتريا المفيدة التى تقاوم الأمراض.
مش بس كدة الكمبوست بيوفر عليك تكاليف كتير زي استهلاك المياه بنسبة ٥٠٪ واستهلاك الكيماويات بنسبة ٤٠٪ والمبيدات بنسبة ٦٠٪.
وده بيزود الانتاجية فى حدود ٣٠٪ طبقاً لمراكز بحثية عالمية فى المجال الزراعى.
يوفر العناصر الصغرى والكبرى اللازمة للنبات.
يزيد من قدرة التربة على إذابة العناصر المغذية للنبات.
يعمل على تعديل الحموضة بالتربة وتحقيق الاستقرار فيها.
يحسن من فعالية الاسمدة الأخرى (العضوية والكيميائية) على حد سواء.
يوفر السكن والغذاء للكائنات الدقيقة المفيدة من البكتريا إلى ديدان الارض.
يعمل على مقاومة الأمراض النباتية والآفات الحشرية
يعمل على تهوية التربة نتيجة حركة الكائنات الدقيقة والتخلص من المواد السامة حيث يمتص الكمبوست العناصر الكبرى مثل الرصاص والكالسيوم ويقوم بتركيبها على شكل رابطة معقدة غير قابلة للإمتصاص.
– ينقى الماء والهواء من المواد السامة.
– كمبوست ميجوس غنى بالهيوميك أسيد “الأحماض الدبالية” المحفزة لنمو النبات بطريقة آمنة أفضل وأسرع ويساعد فى إمتصاص العناصر المغذية للنبات.
– يقلل من إستخدام الأسمدة الكيميائية والمبيدات والأدوية باهظة الثمن.
– يحتفظ بالمياه فى التربة مما يقلل من إضافة المياه ويوفر المال.
– غنى بالمادة العضوية التى تعتبر غرفة العمليات الرئيسية المغذية للنبات.
– يمكن إنتاج شاى الكمبوست سهل الأستخدام.
– طب ما انا ممكن استخدم الجلة؟
الجلة صحيح رخيصة لكن مليئة ببذور الحشائش الضارة والنيماتودا اللى بتعيق نمو النباتات وتتغذى على غذائها وتقوم باتلاف الجذور وتعفنها بخلاف رائحتها الكريهة وتؤثر على الانتاجية بشكل عام بالنظر لتكاليف المبيدات (اللى بتؤثر اصلاً على الصحة العامة) والكيماوي وتكلفة ازالة الحشائش. فى المقابل الكمبوست بيجنبك كل ده لانه بيتم تطهيره جيداً من بذور الحشائش والنيماتودا وجميع مسببات الأمراض اثناء عملية البسترة التى تتم اثناء تصنيعه.
